انهاردة هنتكلم عن موضوع مهم جدا وهو عدسات البلوكت اللى انتشر استخدامها الفترة الأخيرة وايه هى فوائدها وأضرارها.كل كلامنا هيبقى كلام علمى إن شاء الله وهتبقى المصادر فى أسفل الموضوع لأى حد يحب يقرأ أكثر عن الموضوع.
ما هى عدسات البلوكت Blue Cut lenses ؟
هى عدسات طبية تستخدم أثناء القراءة على الكمبيوتر او الأجهزة اللوحية أو الهواتف الذكية لحماية العين من التعرض للضوء الأزرق بكميات كبيرة قد تؤثر على العين بشكل سلبى.
وللتعرف عليها بشكل أكبر يجب أن نعرف:
ما هو الضوء الأزرق blue light ؟
اولا يجب أن نعلم أن أشعة الشمس تتكون من جزئين:
جزء غير مرئي (مثل الأشعة فوق البنفسجية)
جزء مرئي يتكون من مجموعة مختلفة من الألوان تحتوى على كميات مختلفة من الطاقة (مثل الضوء الأحمر، البرتقالي، الأصفر، الأخضر، الأزرق ودرجاتهم المختلفة) وهذه الألوان مجتمعة تكون الضوء الأبيض.
ولكل ضوء منهم طول موجى معين يتناسب عكسيا مع كمية الطاقة الموجودة به.
وللضوء الأزرق طول موجى قصير (من ٣٥٠ الى ٥٠٠ نانو متر) ويحتوى على كمية طاقة عالية high-energy visible (HEV).
معلومات يجب ان تعرفها عن الضوء الأزرق:
١- الضوء الأزرق موجود فى كل مكان وتصدر الأجهزة اللوحية والهواتف الذكية وشاشات الكمبيوتر كمية مؤثرة من الضوء الأزرق خاصة مع الاستخدام لفترات طويله.
٢-الضوء الأزرق يمر بأجزاء العين المختلفة حتى يصل إلى الشبكية وله تأثير سلبى عليها على المدى الطويل حيث أنه يزيد من احتمالية الإصابة بالضمور البقعى للشبكية (macular degeneration) كما أنه يزيد من إرهاق وألم العين والشعور بالأرق.
٣-ليس كل الضوء الأزرق ضار حيث أنه مهم لتنشيط الذاكرة وزيادة الإنتباه وتحسين المزاج ولكن لا يجب التعرض له بكميات كبيرة حتى نتجنب أثاره السيئة.
وعلشان نقدر نوضح أكتر فلازم نقسم الضوء الأزرق حسب الطول الموجي ومدى تأثيره على العين الي ثلاث أجزاء:
١- الجزء الاول 400-420 nm
الجزء ده مسؤول عن حدوث الوهج وكمان مسؤول عن تشتيت الضوء.
٢-الجزء الثاني 420-460 nm
الجزء ده مسؤول عن حدوث تغييرات سلبية في الشبكية وقادر يسبب فقدان رؤية حاد( AMD ).
٣-الجزء الثالث460-480 nm (Circadian Rhythm)
وده بقي الجزء المفيد من الضوء الازرق لانه مهم جدا لتنظيم الساعة البيولوجية للجسم اللي بتأثر علي عدد ساعات النوم والاستيقاظ وحالتنا المزاجية وكمان بيزود من افراز هرمونات بتخلينا منتبهين ومركزين طول الوقت وغالبا الجزء ده بنتعرضله عن طريق الشمس. وللاسف مع زيادة التعرض للجزء ده وخصوصا بليل من الاجهزة الحديثة زي اللابتوب والموبايل وشاشات LCD مما يؤدي إلى وقف افراز هذه الهرمونات والاحساس بعدم الراحه و اضطرابات في النوم Blue light induced sleep disturbance.
ما هي انواع عدسات البلوكت؟ وما هي مميزات وعيوب عدسات البلوكت؟
عندنا نوعين من العدسات
١- Material Filter blue light lenses 400 – 420 nm
وده بيكون فلتر بيتعمل مع خامة العدسة وبيمنع الاشعة فوق البنفسجية وجزء من الضوء الازرق اللي هو من 400-420 nm وده الطول الموجي المسبب للوهج وتشتيت الضوء وبنسميها Blue -vilot light lenses.
و دي أمثلة العدسات اللي بتشتغل بالطريقة دي :
1.Pixel Astro Plus 1.56
2.Kodak uv blue 1.56
3.Tokai Lutina 1.56
٢- Spin Coat Blue light filter Lenses
العدسات دي الفلتر بتاعها بيكون علي سطح العدسة وبتفلتر الجزء المسبب لتلف خلايا الشبكية وكمان الجزء المسبب للوهج وتشتت الضوء 400-460 nm وبتساعد علي مرور الجزء المفيد من الضوء الازرق للعين وبنسمية Beneficial blue light part 460 -480 nm فتساعد علي افراز هرمون melatonin المسؤول عن انتظام الساعة البيولوجية للجسم وغالبا العدسات دي ال Antireflection بتاعها بيكون ازرق وبيدي نسبه اصفرار للون الابيض لا تتعدى 2٪ فبتخلي الالوان warm اكتر فبتكون مريحه للعين ومش هتلاحظوا اختلاف ف الالوان خالص الا لو ركزت ف الموضوع ده وعندنا انواع كتيره من العدسات بتشتغل بالطريقة دي على سبيل المثال :
1.BBGR Neva Blue
2.Tokai TBC
3.Zeiss Blue Protect
4.Hoya Blue Control
وفى النهاية انصح بارتداء النظارات الطبية التى تحتوى على عدسات البلوكت أثناء القراءة على الأجهزة اللوحية والهواتف الذكية وشاشات الكمبيوتر.
Source : https://www.allaboutvision.com/cvs/blue-light.htm
https://blog.hoyavision.com/en-us/eye-care-professionals/blue-light-should-you-be-concerned-0
طيب الافضل تكون العدسه Spin Coat Blue light filter Lenses صح؟
صح كده ياافندم