خلاص قررت تعمل عملية الليزك ؟!! 😎
تعالى بقى نقولك شوية حاجات تاخد بالك منها قبل ما تيجى تعمل الكشف والفحص..
– لو بتلبس عدسات لاصقة لازم توقف استخدامها قبلها ب 3 ايام على الأقل!
وده علشان العدسات بتغير شكل القرنية وممكن تعمل جفاف والتهاب ولازم العين تاخد شكلها الطبيعى وترتاح علشان نتيجة الكشف والفحوصات تكون مظبوطة وسليمة بالذات ان النتيجة هتفضل معاك على طول
– لو عندك السكر او الضغط لازم يكون مظبوط وقت العملية بس وده لأن السكر او الضغط لما بيرتفعوا بيعملوا زغللة وخلل واضطراب فى الرؤية وده ممكن برضو يأثر على نتيجة العملية
– لو سنك اقل من 18 سنة مينفعش تعمل العملية وده لأن نظرك مش ثابت وده ممكن يخلى نظرك يضعف تانى فى المستقبل..
– لو عندك مياه بيضاء مينفعش تعمل تصحيح نظر غير لما تعمل عملية المياه البيضاء الأول
وعملية المياه البيضاء بتكون عبار عن ازالة لعدسة العين المصابة بالمياه البيضاء وزرع عدسة تانية مكانها وممكن بعد 6 شهور تعمل تصحيح لنظرك بالليزر عادى.
